perumpaNARRuppaTai

Perumpaṇāṟṟuppaṭai (500 lines)

((Originally extracted from master file ^10PATTU.OCP))
((Last updated on 2004 April 15th))

{peru-1} akal iru vicumpil pāy iruḷ paruki
{peru-2} pakal kāṉṟu eḻutaru pal katir paruti
{peru-3} kāy ciṉam tirukiya kaṭum tiṟal vēṉil
{peru-4} pācu ilai oḻitta parāarai pātiri
{peru-5} vaḷ itaḻ mā malar vayiṟṟu iṭai vakuttataṉ
{peru-6} uḷḷakam puraiyum ūṭṭuṟu paccai
{peru-7} pari arai kamukiṉ pāḷai am pacum pū
{peru-8} karu iruntaṉṉa kaṇkūṭu ceṟi tuḷai
{peru-9} urukkiyaṉṉa poruttuṟu pōrvai
{peru-10} cuṉai vaṟantaṉṉa iruḷ tūṅku vaṟu vāy
{peru-11} piṟai piṟantaṉṉa piṉ ēntu kavai kaṭai
{peru-12} neṭum paṇai tiraḷ tōḷ maṭantai muṉkai
{peru-13} kuṟum toṭi ēykkum melintu vīṅku tivaviṉ
{peru-14} maṇi vārntaṉṉa mā iru maruppiṉ
{peru-15} poṉ vārntaṉṉa puri aṭaṅku narampiṉ
{peru-16} toṭai amai kēḷvi iṭam vayiṉ taḻīi
{peru-17} ve teṟal kaṉaliyoṭu mati valam tiritarum
{peru-18} taṇ kaṭal varaippil tāṅkunar peṟātu
{peru-19} poḻi maḻai tuṟanta pukai vēy kuṉṟattu
{peru-20} paḻu maram tērum paṟavai pōla
{peru-21} kalleṉ cuṟṟamoṭu kāl kiḷarntu tiritarum
{peru-22} pulleṉ yākkai pulavu vāy pāṇa
{peru-23} peru vaṟam kūrnta kāṉam kalleṉa
{peru-24} karuvi vāṉam tuḷi corintāṅku
{peru-25} paḻam paci kūrnta em irum pēr okkaloṭu
{peru-26} vaḻaṅka tavāa peru vaḷaṉ eyti
{peru-27} vāl uḷai puraviyoṭu vaya kaḷiṟu mukantukoṇṭu
{peru-28} yām avaṇ niṉṟu um varutum nīyir um
{peru-29} iru nilam kaṭanta tiru maṟu mārpiṉ
{peru-30} munnīr vaṇṇaṉ piṟaṅkaṭai a nīr
{peru-31} tirai taru marapiṉ uravōṉ umpal
{peru-32} malar talai ulakattu maṉ uyir kākkum
{peru-33} muracu muḻaṅku tāṉai mūvar uḷ um
{peru-34} ilaṅku nīr parappiṉ vaḷai mīkkūṟum
{peru-35} valampuri aṉṉa vacai nīṅku ciṟappiṉ
{peru-36} allatu kaṭinta aṟam puri ce kōl
{peru-37} pal vēl tiraiyaṉ paṭarkuvir āyiṉ
{peru-38} kēḷ avaṉ nilai ē keṭuka niṉ avalam
{peru-39} attam celvōr alaṟa tākki
{peru-40} kai poruḷ vauvum kaḷavu ēr vāḻkkai
{peru-41} koṭiyōr iṉṟu avaṉ kaṭi uṭai viyaṉ pulam
{peru-42} urum um uraṟātu aravu um tappā
{peru-43} kāṭṭu mā um uṟukaṇ ceyyā
{peru-44} vēṭṭu āṅku acaivuḻi acaii nacaivuḻi taṅki
{peru-45} ceṉmō iravala ciṟakka niṉ uḷḷam
{peru-46} koḻum cūṭṭu aruntiya tiruntu nilai ārattu
{peru-47} muḻaviṉ aṉṉa muḻu mara uruḷi
{peru-48} eḻūu puṇarntaṉṉa parūu kai nōṉ pār
{peru-49} māri kuṉṟam maḻai cumantaṉṉa
{peru-50} ārai vēynta aṟai vāy cakaṭam
{peru-51} vēḻam kāvalar kurampai ēyppa
{peru-52} kōḻi cēkkum kūṭu uṭai putaviṉ
{peru-53} muḷai eyiṟṟu irum piṭi muḻantāḷ ēykkum
{peru-54} tuḷai arai cīṟu ural tūṅka tūkki
{peru-55} nāṭakam makaḷir āṭu kaḷattu eṭutta
{peru-56} vici vīṅku iṉ iyam kaṭuppa kayiṟu piṇittu
{peru-57} kāṭi vaitta kalaṉ uṭai mūkkiṉ
{peru-58} makavu uṭai makaṭūu pakaṭu puṟam turappa
{peru-59} kōṭṭu iṇar vēmpiṉ ēṭṭu ilai miṭainta
{peru-60} paṭalai kaṇṇi paru ēr eṟuḻ tiṇi tōḷ
{peru-61} muṭalai yākkai muḻu vali mākkaḷ
{peru-62} ciṟu tuḷai koṭu nukam neṟipaṭa niraitta
{peru-63} perum kayiṟṟu oḻukai maruṅkil kāppa
{peru-64} cil patam uṇaviṉ koḷḷai cāṟṟi
{peru-65} pal eruttu umaṇar pati pōku neṭu neṟi
{peru-66} el iṭai kaḻiyunarkku ēmam āka
{peru-67} malaiya um kaṭala um māṇ payam tarūum
{peru-68} arum poruḷ aruttum tiruntu toṭai nōṉ tāḷ
{peru-69} aṭi putai araṇam eyti paṭam pukku
{peru-70} poru kaṇai tolaicciya puṇ tīr mārpiṉ
{peru-71} viravu vari kacciṉ veḷ kai oḷ vāḷ
{peru-72} varai ūr pāmpiṉ pūṇṭu puṭai tūṅka
{peru-73} curikai nuḻainta cuṟṟu vīṅku ceṟivu uṭai
{peru-74} karu vil ōcciya kaṇ akal eṟuḻ tōḷ
{peru-75} kaṭampu amar neṭu vēḷ aṉṉa mīḷi
{peru-76} uṭampiṭi taṭam kai ōṭā vampalar
{peru-77} taṭavu nilai palaviṉ muḻu mutal koṇṭa
{peru-78} ciṟu cuḷai perum paḻam kaṭuppa miriyal
{peru-79} puṇar poṟai tāṅkiya vaṭu āḻ nōṉ puṟattu
{peru-80} aṇar cevi kaḻutai cāttoṭu vaḻaṅkum
{peru-81} ulku uṭai peru vaḻi kavalai kākkum
{peru-82} vil uṭai vaippiṉ viyaṉ kāṭṭu iyaviṉ
{peru-83} nīḷ arai ilavattu alaṅku ciṉai payanta
{peru-84} pūḷai am pacum kāy puṭai virintaṉṉa
{peru-85} vari puṟam aṇiloṭu karuppai āṭātu
{peru-86} yāṟṟu aṟal puraiyum verin uṭai koḻu maṭal
{peru-87} vēl talai aṉṉa vaim nuti neṭum takar
{peru-88} īttu ilai vēynta ey puṟam kurampai
{peru-89} māṉ tōl paḷḷi makavoṭu muṭaṅki
{peru-90} īṉ piṇavu oḻiya pōki nōṉ kāḻ
{peru-91} irumpu talai yātta tiruntu kaṇai viḻu kōl
{peru-92} uḷi vāy curaiyiṉ miḷira miṇṭi
{peru-93} iru nilam karampai paṭu nīṟu āṭi
{peru-94} nuṇ pul aṭakkiya veḷ pal eyiṟṟiyar
{peru-95} pārvai yātta paṟai tāḷ viḷaviṉ
{peru-96} nīḻal muṉṟil nilam ural peytu
{peru-97} kuṟum kāḻ ulakkai ōcci neṭum kiṇaṟṟu
{peru-98} val ūṟṟu uvari tōṇṭi tollai
{peru-99} muravu vāy kuḻici muri aṭuppu ēṟṟi
{peru-100} vārātu aṭṭa vāṭūṉ puḻukkal
{peru-101} vāṭā tumpai vayavar perumakaṉ
{peru-102} ōṭā tāṉai oḷ toḻil kaḻal kāl
{peru-103} ce varai nāṭaṉ ceṉṉiyam eṉiṉ ē
{peru-104} teyva maṭaiyiṉ tēkku ilai kuvaii num
{peru-105} pai tīr kaṭumpoṭu patam mika peṟukuvir
{peru-106} māṉ aṭi poṟitta mayaṅku atar maruṅkiṉ
{peru-107} vāṉ maṭi poḻutil nīr nacaii kuḻitta
{peru-108} akaḻ cūḻ payampiṉ akattu oḷittu oṭuṅki
{peru-109} pukaḻā vākai pūviṉ aṉṉa
{peru-110} vaḷai maruppu ēṉam varavu pārttirukkum
{peru-111} araināḷ vēṭṭam aḻuṅkiṉ pakal nāḷ
{peru-112} paku vāy ñamaliyoṭu paim putal erukki
{peru-113} toku vāy vēli toṭar valai māṭṭi
{peru-114} muḷ arai tāmarai pul itaḻ puraiyum
{peru-115} neṭum cevi kuṟu muyal pōkku aṟa vaḷaii
{peru-116} kaṭuṅkaṇ kāṉavar kaṭaṟu kūṭṭuṇṇum
{peru-117} arum curam iṟanta ampar paruntu paṭa
{peru-118} oṉṉā tevvar naṭuṅka ōcci
{peru-119} vaim nuti maḻuṅkiya pulavu vāy eḵkam
{peru-120} vaṭi maṇi palakaiyoṭu niraii muṭi nāṇ
{peru-121} cāpam cārttiya kaṇai tuñcu viyal nakar
{peru-122} ūkam vēynta uyarnilai varaippiṉ
{peru-123} varai tēṉ puraiyum kavai kaṭai putaiyoṭu
{peru-124} kaṭum tuṭi tūṅkum kaṇai kāl pantar
{peru-125} toṭar nāy yātta tuṉ arum kaṭi nakar
{peru-126} vāḻ muḷ vēli cūḻ miḷai paṭappai
{peru-127} koṭu nukam taḻīiya putaviṉ ce nilai
{peru-128} neṭu nuti vaya kaḻu niraitta vāyil
{peru-129} koṭu vil eyiṉa kuṟumpil cēppiṉ
{peru-130} kaḷar vaḷar īntiṉ kāḻ kaṇṭaṉṉa
{peru-131} cuval viḷai nelliṉ ce aviḻ coṉṟi
{peru-132} ñamali tanta maṉavu cūl uṭumpiṉ
{peru-133} vaṟai kāl yāttatu vayiṉ toṟum peṟukuvir
{peru-134} yāṉai tākkiṉum aravu mēl celiṉum
{peru-135} nīl niṟam vicumpiṉ val ēṟu cilaippiṉum
{peru-136} cūl makaḷ māṟā maṟam pūṇ vāḻkkai
{peru-137} vali kūṭṭu uṇaviṉ vāṭkuṭi piṟanta
{peru-138} puli pōttaṉṉa pul aṇal kāḷai
{peru-139} cel nāy aṉṉa karu vil cuṟṟamoṭu
{peru-140} kēḷā maṉṉar kaṭi pulam pukku
{peru-141} nāḷ ā tantu naṟavu noṭai tolaicci
{peru-142} il aṭu kaḷ iṉ tōppi paruki
{peru-143} mallal maṉṟattu mata viṭai keṇṭi
{peru-144} maṭi vāy taṇṇumai naṭuvaṇ cilaippa
{peru-145} cilai navil eṟuḻ tōḷ ōcci valaṉ vaḷaiyūu
{peru-146} pakal makiḻ tūṅkum tūṅkā irukkai
{peru-147} muraṇ talai kaḻinta piṉṟai maṟiya
{peru-148} kuḷaku arai yātta kuṟum kāl kurampai
{peru-149} ceṟṟai vāyil ceṟi kaḻi kataviṉ
{peru-150} kaṟṟai vēynta kaḻi talai cāmpiṉ
{peru-151} ataḷōṉ tuñcum kāppiṉ utaḷa
{peru-152} neṭum tāmpu toṭutta kuṟum taṟi muṉṟil
{peru-153} koṭu mukam turuvaiyoṭu veḷḷai cēkkum
{peru-154} iṭu muḷ vēli eru paṭu varaippiṉ
{peru-155} naḷ iruḷ viṭiyal puḷ eḻa pōki
{peru-156} puli kural mattam olippa vāṅki
{peru-157} āmpi vāl mukai aṉṉa kūmpu mukiḻ
{peru-158} uṟai amai tīm tayir kalakki nurai terintu
{peru-159} pukar vāy kuḻici pūm cumaṭṭu irīi
{peru-160} nāḷ mōr māṟum nal mā mēṉi
{peru-161} ciṟu kuḻai tuyalvarum kātiṉ paṇai tōḷ
{peru-162} kuṟu neṟi koṇṭa kūntal āy makaḷ
{peru-163} aḷai vilai uṇaviṉ kiḷai uṭaṉ arutti
{peru-164} ney vilai kaṭṭi pacum poṉ koḷḷāḷ
{peru-165} erumai nal āṉ karu nāku peṟūum
{peru-166} maṭi vāy kōvalar kuṭi vayiṉ cēppiṉ
{peru-167} irum kiḷai ñeṇṭiṉ ciṟu pārppu aṉṉa
{peru-168} pacum tiṉai mūral pāloṭum peṟukuvir
{peru-169} toṭutōl marīiya vaṭu āḻ nōṉ aṭi
{peru-170} viḻu taṇṭu ūṉṟiya maḻu tiṉ vaṉ kai
{peru-171} uṟi kā ūrnta maṟu paṭu mayir cuval
{peru-172} mēm pāl uraitta ōri ōṅku micai
{peru-173} kōṭṭa um koṭiya um viraii kāṭṭa
{peru-174} pal pū miṭainta paṭalai kaṇṇi
{peru-175} oṉṟu amar uṭukkai kūḻ ār iṭaiyaṉ
{peru-176} kaṉṟu amar niraiyoṭu kāṉattu alki
{peru-177} am nuṇ avir pukai kamaḻa kaim muyaṉṟu
{peru-178} ñelikōl koṇṭa peru viṟal ñekiḻi
{peru-179} ce tī tōṭṭa karum tuḷai kuḻaliṉ
{peru-180} iṉ tīm pālai muṉaiyiṉ kumiḻiṉ
{peru-181} puḻal kōṭṭu toṭutta maral puri narampiṉ
{peru-182} vil yāḻ icaikkum viral eṟi kuṟiñci
{peru-183} pal kāl paṟavai kiḷai cettu ōrkkum
{peru-184} pul ār viyaṉ pulam pōki muḷ uṭuttu
{peru-185} eḻu kāṭu ōṅkiya toḻu uṭai varaippil
{peru-186} piṭi kaṇattu aṉṉa kutir uṭai muṉṟil
{peru-187} kaḷiṟṟu tāḷ puraiyum tiri maram pantar
{peru-188} kuṟum cāṭṭu uruḷaiyoṭu kalappai cārtti
{peru-189} neṭum cuvar paṟainta pukai cūḻ koṭṭil
{peru-190} paruva vāṉattu pā maḻai kaṭuppa
{peru-191} karu vai vēynta kaviṉ kuṭi cīṟūr
{peru-192} neṭum kural pūḷai pūviṉ aṉṉa
{peru-193} kuṟum tāḷ varakiṉ kuṟaḷ aviḻ coṉṟi
{peru-194} pukar iṇar vēṅkai vī kaṇṭaṉṉa
{peru-195} avarai vāṉ puḻukku aṭṭi payilvuṟṟu
{peru-196} iṉ cuvai mūral peṟukuvir ñāṅkar
{peru-197} kuṭi niṟai valci ce cāl uḻavar
{peru-198} naṭai navil perum pakaṭu putavil pūṭṭi
{peru-199} piṭi vāy aṉṉa maṭi vāy nāñcil
{peru-200} uṭuppu mukam muḻu koḻu mūḻka ūṉṟi
{peru-201} toṭuppu eṟintu uḻuta tuḷar paṭu tuṭavai
{peru-202} ari puku poḻutiṉ iriyal pōki
{peru-203} vaṇṇam kaṭampiṉ naṟu malar aṉṉa
{peru-204} vaḷar iḷam piḷḷai taḻīi kuṟum kāl
{peru-205} kaṟai aṇal kuṟumpūḻ kaṭci cēkkum
{peru-206} vaṉpulam iṟanta piṉṟai mel tōl
{peru-207} miti ulai kollaṉ muṟi koṭiṟṟu aṉṉa
{peru-208} kavai tāḷ alavaṉ aḷaṟṟu aḷai citaiya
{peru-209} paim cāy koṉṟa maṇ paṭu maruppiṉ
{peru-210} kār ēṟu poruta kaṇ akal ceṟuviṉ
{peru-211} uḻāa nuṇ toḷi niraviya viṉaiñar
{peru-212} muṭi nāṟu aḻuttiya neṭu nīr ceṟuvil
{peru-213} kaḷaiñar tanta kaṇai kāl neytal
{peru-214} kaḷ kamaḻ putu pū muṉaiyiṉ muḷ ciṉai
{peru-215} mukai cūḻ takaṭṭa piṟaḻ vāy muḷḷi
{peru-216} koṭum kāl mā malar koytu koṇṭu avaṇa
{peru-217} pañcāy kōrai palliṉ cavaṭṭi
{peru-218} puṇar nār peyta puṉaivu iṉ kaṇṇi
{peru-219} īr uṭai irum talai āra cūṭi
{peru-220} poṉ kāṇ kaṭṭaḷai kaṭuppa kaṇpiṉ
{peru-221} puṉ kāy cuṇṇam puṭaitta mārpiṉ
{peru-222} irumpu vaṭittaṉṉa maṭiyā mel tōl
{peru-223} karum kai viṉaiñar kātal am ciṟāar
{peru-224} paḻam cōṟṟu amalai muṉaii varampil
{peru-225} putu vai vēynta kavi kuṭil muṉṟil
{peru-226} aval eṟi ulakkai pāṭu viṟantu ayala
{peru-227} koṭu vāy kiḷḷai paṭu pakai verūum
{peru-228} nīṅkā yāṇar vāṅku katir kaḻaṉi
{peru-229} kaṭuppu uṭai paṟavai cāti aṉṉa
{peru-230} paitu aṟa viḷainta perum cennelliṉ
{peru-231} tumpu uṭai tiraḷ tāḷ tumitta viṉaiñar
{peru-232} pāmpu uṟai marutiṉ ōṅku ciṉai nīḻal
{peru-233} pali peṟu viyaṉ kaḷam maliya ēṟṟi
{peru-234} kaṇam koḷ cuṟṟamoṭu kai puṇarntu āṭum
{peru-235} tuṇaṅkai am pūtam tukil uṭuttavai pōl
{peru-236} cilampi vāl nūl valanta maruṅkiṉ
{peru-237} kuḻumu nilai pōriṉ muḻu mutal tolaicci
{peru-238} pakaṭu ūrpu iḻinta piṉṟai tukaḷ tapa
{peru-239} vai um turumpu um nīkki paitu aṟa
{peru-240} kuṭa kāṟṟu eṟinta kuppai vaṭa pāl
{peru-241} ce poṉ malaiyiṉ ciṟappa tōṉṟum
{peru-242} taṇ paṇai taḻīiya taḷarā irukkai
{peru-243} pakaṭṭu ā īṉṟa koṭu naṭai kuḻavi
{peru-244} kavai tāmpu toṭutta kāḻ ūṉṟu alkul
{peru-245} ēṇi eytā nīḷ neṭu mārpiṉ
{peru-246} mukaṭu tumittu aṭukkiya paḻam pal uṇaviṉ
{peru-247} kumari mūtta kūṭu ōṅku nal il
{peru-248} tacca ciṟāar nacca puṉainta
{peru-249} ūrā nal tēr uruṭṭiya putalvar
{peru-250} taḷar naṭai varuttam vīṭa alar mulai
{peru-251} cevili am peṇṭir taḻīi pāl ārntu
{peru-252} amaḷi tuñcum aḻaku uṭai nal il
{peru-253} tol paci aṟiyā tuḷaṅkā irukkai
{peru-254} mallal pēr ūr maṭiyiṉ maṭiyā
{peru-255} viṉaiñar tanta veṇṇel valci
{peru-256} maṉai vāḻ aḷakiṉ vāṭṭoṭu um peṟukuvir
{peru-257} maḻai viḷaiyāṭum kaḻai vaḷar aṭukkattu
{peru-258} aṇaṅku uṭai yāḷi tākkaliṉ pala uṭaṉ
{peru-259} kaṇam cāl vēḻam kataḻvuṟṟāṅku
{peru-260} entiram cilaikkum tuñcā kampalai
{peru-261} vicayam aṭūum pukai cūḻ ālai toṟum
{peru-262} karumpiṉ tīm cāṟu virumpiṉir micaimiṉ
{peru-263} vēḻam niraittu veḷ kōṭu viraii
{peru-264} tāḻai muṭittu taruppai vēynta
{peru-265} kuṟi iṟai kurampai paṟi uṭai muṉṟil
{peru-266} koṭum kāl puṉṉai kōṭu tumittu iyaṟṟiya
{peru-267} paim kāy tūṅkum pāy maṇal pantar
{peru-268} iḷaiyar um mutiyar um kiḷai uṭaṉ tuvaṉṟi
{peru-269} pulavu nuṉai pakaḻi um cilai um māṉa
{peru-270} ce vari kayaloṭu paccu iṟā piṟaḻum
{peru-271} mai irum kuṭṭattu makavoṭu vaḻaṅki
{peru-272} kōṭai nīṭiṉum kuṟaipaṭal aṟiyā
{peru-273} tōḷ tāḻ kuḷatta kōṭu kāttirukkum
{peru-274} koṭu muṭi valaiñar kuṭi vayiṉ cēppiṉ
{peru-275} avaiyā arici am kaḷi tuḻavai
{peru-276} malar vāy piḻāvil pulara āṟṟi
{peru-277} pāmpu uṟai puṟṟiṉ kurumpi ēykkum
{peru-278} pūm puṟam nal aṭai aḷaii tēm paṭa
{peru-279} ellai um iravu um iru muṟai kaḻippi
{peru-280} val vāy cāṭiyiṉ vaḻaiccu aṟa viḷainta
{peru-281} ve nīr ariyal viral alai naṟum piḻi
{peru-282} taṇ mīṉ cūṭṭoṭu taḷartal um peṟukuvir
{peru-283} paccu ūṉ peyta cuval piṇi paim tōl
{peru-284} kōḷ val pāṇmakaṉ talai valittu yātta
{peru-285} neṭum kaḻai tūṇṭil naṭuṅka nāṇ koḷīi
{peru-286} koṭu vāy irumpiṉ maṭi talai pulampa
{peru-287} poti irai katuviya pōḻ vāy vāḷai
{peru-288} nīr naṇi pirampiṉ naṭuṅku niḻal verūum
{peru-289} nīttu uṭai neṭum kayam tī paṭa malarnta
{peru-290} kaṭavuḷ oḷ pū aṭaital ōmpi
{peru-291} uṟai kāl māṟiya ōṅku uyar naṉam talai
{peru-292} akal iru vāṉattu kuṟai vil ēyppa
{peru-293} arakku itaḻ kuvaḷaiyoṭu nīlam nīṭi
{peru-294} muraṇ pū malinta mutu nīr poykai
{peru-295} kuṟunar iṭṭa kūmpu viṭu pal malar
{peru-296} peru nāḷ amaiyattu piṇaiyiṉir kaḻimiṉ
{peru-297} ceḻum kaṉṟu yātta ciṟu tāḷ pantar
{peru-298} paim cēṟu meḻukiya paṭiva nal nakar
{peru-299} maṉai uṟai kōḻiyoṭu ñamali tuṉṉātu
{peru-300} vaḷai vāy kiḷḷai maṟai viḷi payiṟṟum
{peru-301} maṟai kāppāḷar uṟai pati cēppiṉ
{peru-302} peru nal vāṉattu vaṭa vayiṉ viḷaṅkum
{peru-303} ciṟu mīṉ puraiyum kaṟpiṉ naṟu nutal
{peru-304} vaḷai kai makaṭūu vayiṉ aṟintu aṭṭa
{peru-305} cuṭar kaṭai paṟavai peyar paṭu vattam
{peru-306} cētu ā naṟu mōr veṇṇeyiṉ mātuḷattu
{peru-307} uruppuṟu pacum kāy pōḻoṭu kaṟi kalantu
{peru-308} kañcaka naṟu muṟi aḷaii paim tuṇar
{peru-309} neṭu mara kokkiṉ naṟu vaṭi vitirtta
{peru-310} takai māṇ kāṭiyiṉ vakaipaṭa peṟukuvir
{peru-311} vaṇṭal āyamoṭu uṇ tuṟai talaii
{peru-312} puṉal āṭu makaḷir iṭṭa polam kuḻai
{peru-313} irai tēr maṇi ciral irai cettu eṟinteṉa
{peru-314} puḷ ār peṇṇai pulampu maṭal cellātu
{peru-315} kēḷvi antaṇar arum kaṭaṉ iṟutta
{peru-316} vēḷvi tūṇattu acaii yavaṉar
{peru-317} ōtima viḷakkiṉ uyar micai koṇṭa
{peru-318} vaikuṟu mīṉiṉ paipaya tōṉṟum
{peru-319} nīrppeyaṟṟu ellai pōki pāl kēḻ
{peru-320} vāl uḷai puraviyoṭu vaṭa vaḷam tarūum
{peru-321} nāvāy cūḻnta naḷi nīr paṭappai
{peru-322} māṭam ōṅkiya maṇal mali maṟukiṉ
{peru-323} paratar malinta pal vēṟu teruviṉ
{peru-324} cilatar kākkum cēṇ uyar varaippiṉ
{peru-325} nel uḻu pakaṭṭoṭu kaṟavai tuṉṉā
{peru-326} ēḻaka takarōṭu ekiṉam koṭkum
{peru-327} kūḻ uṭai nal il koṭum pūṇ makaḷir
{peru-328} koṉṟai mel ciṉai paṉi tavaḻpavai pōl
{peru-329} paim kāḻ alkul nuṇ tukil nuṭaṅka
{peru-330} māl varai cilampil makiḻ ciṟantu ālum
{peru-331} pīli maññaiyiṉ iyali kāla
{peru-332} tamaṉiya poṉ cilampu olippa uyarnilai
{peru-333} vāṉ tōy māṭattu vari pantu acaii
{peru-334} kai puṉai kuṟum toṭi tatta paipaya
{peru-335} mutta vār maṇal poṉ kaḻaṅku āṭum
{peru-336} paṭṭiṉa maruṅkiṉ acaiyiṉ muṭṭu il
{peru-337} paim koṭi nuṭaṅkum palar puku vāyil
{peru-338} ce pū tūuya cetukku uṭai muṉṟil
{peru-339} kaḷ aṭu makaḷir vaḷḷam nuṭakkiya
{peru-340} vārntu uku cil nīr vaḻinta kuḻampiṉ
{peru-341} īrm cēṟu āṭiya irum pal kuṭṭi
{peru-342} pal mayir piṇavoṭu pāyam pōkātu
{peru-343} nel mā valci tīṟṟi pal nāḷ
{peru-344} kuḻi niṟuttu ōmpiya kuṟum tāḷ ēṟṟai
{peru-345} koḻu niṇam taṭiyoṭu kūr naṟā peṟukuvir
{peru-346} vāṉam ūṉṟiya matalai pōla
{peru-347} ēṇi cāttiya ēṟṟu arum ceṉṉi
{peru-348} viṇ pora nivanta vēyā māṭattu
{peru-349} iravil māṭṭiya ilaṅku cuṭar ñekiḻi
{peru-350} uravu nīr aḻuvattu ōṭu kalam karaiyum
{peru-351} tuṟai piṟakku oḻiya pōki kaṟai aṭi
{peru-352} kuṉṟu uṟaḻ yāṉai maruṅkul ēykkum
{peru-353} vaṇ tōṭṭu teṅkiṉ vāṭu maṭal vēynta
{peru-354} mañcaḷ muṉṟil maṇam nāṟu paṭappai
{peru-355} taṇṭalai uḻavar taṉi maṉai cēppiṉ
{peru-356} tāḻ kōḷ palaviṉ cūḻ cuḷai perum paḻam
{peru-357} vīḻ il tāḻai kuḻavi tīm nīr
{peru-358} kavai mulai irum piṭi kavuḷ maruppu ēykkum
{peru-359} kulai mutir vāḻai kūṉi veḷ paḻam
{peru-360} tiraḷ arai peṇṇai nuṅkoṭu piṟa um
{peru-361} tīm pal tāram muṉaiyiṉ cēmpiṉ
{peru-362} muḷai puṟa mutir kiḻaṅku ārkuvir pakal peyal
{peru-363} maḻai vīḻntaṉṉa mā tāḷ kamukiṉ
{peru-364} puṭai cūḻ teṅkiṉ mu puṭai tiraḷ kāy
{peru-365} āṟu cel vampalar kāy paci tīra
{peru-366} cōṟu āṭu kuḻici iḷaka viḻūum
{peru-367} vīyā yāṇar vaḷam keḻu pākkattu
{peru-368} pal maram nīḷ iṭai pōki nal nakar
{peru-369} viṇ tōy māṭattu viḷaṅku cuvar uṭutta
{peru-370} vāṭā vaḷḷiyiṉ vaḷam pala tarūum
{peru-371} nāṭu pala kaḻinta piṉṟai nīṭu kulai
{peru-372} kāntaḷ am cilampil kaḷiṟu paṭintāṅku
{peru-373} pāmpaṇai paḷḷi amarntōṉ āṅkaṇ
{peru-374} veyil nuḻaipu aṟiyā kuyil nuḻai potumpar
{peru-375} kuṟum kāl kāñci cuṟṟiya neṭum koṭi
{peru-376} pācu ilai kurukiṉ puṉ puṟam vari pū
{peru-377} kār akal kūviyar pākoṭu piṭitta
{peru-378} iḻai cūḻ vaṭṭam pāl kalantavai pōl
{peru-379} niḻal tāḻ vār maṇal nīr mukattu uṟaippa
{peru-380} puṉal kāl kaḻīiya poḻil toṟum tiraḷ kāl
{peru-381} cōlai kamukiṉ cūl vayiṟṟu aṉṉa
{peru-382} nīlam paim kuṭam tolaicci nāḷum
{peru-383} peru makiḻ irukkai marīi ciṟu kōṭṭu
{peru-384} kuḻavittiṅkaḷ kōḷ nērntāṅku
{peru-385} cuṟavu vāy amaitta curumpu cūḻ cuṭar nutal
{peru-386} naṟavu peyarttu amartta nal eḻil maḻai kaṇ
{peru-387} maṭavaral makaḷiroṭu pakal viḷaiyāṭi
{peru-388} peṟaṟku arum tol cīr tuṟakkam ēykkum
{peru-389} poyyā marapiṉ pū mali perum tuṟai
{peru-390} cevvi koḷpavarōṭu acaii a vayiṉ
{peru-391} arum tiṟal kaṭavuḷ vāḻtti ciṟitu num
{peru-392} karum kōṭṭu iṉ iyam iyakkiṉir kaḻimiṉ
{peru-393} kāḻōr ikaḻ patam nōkki kīḻa
{peru-394} neṭum kai yāṉai neym miti kavaḷam
{peru-395} kaṭum cūl manti kavarum kāvil
{peru-396} kaḷiṟu kataṉ aṭakkiya veḷiṟu il kantiṉ
{peru-397} tiṇ tēr kuḻitta kuṇṭu neṭum teruvil
{peru-398} paṭai tolaipu aṟiyā maintu mali perum pukaḻ
{peru-399} kaṭai kāl yātta pal kuṭi keḻīi
{peru-400} koṭai um kōḷ um vaḻaṅkunar taṭutta
{peru-401} aṭaiyā vāyil miḷai cūḻ paṭappai
{peru-402} nīl niṟam uruviṉ neṭiyōṉ koppūḻ
{peru-403} nāṉmukam oruvaṉ payanta pal itaḻ
{peru-404} tāmarai pokuṭṭiṉ kāṇvara tōṉṟi
{peru-405} cuṭumaṇ ōṅkiya neṭu nakar varaippiṉ
{peru-406} iḻumeṉ puḷḷiṉ īṇṭu kiḷai toḻuti
{peru-407} koḻu mel ciṉaiya kōḷi uḷ um
{peru-408} paḻam mīkkūṟum palāa pōla
{peru-409} pulavu kaṭal uṭutta vāṉam cūṭiya
{peru-410} malar talai ulakattu uḷ um palar toḻa
{peru-411} viḻavu mēmpaṭṭa paḻa viṟal mūtūr
{peru-412} a vāy vaḷar piṟai cūṭi ce vāy
{peru-413} anti vāṉattu āṭu maḻai kaṭuppa
{peru-414} veḷ kōṭṭu irum piṇam kuruti īrppa
{peru-415} īraimpatiṉmar um porutu kaḷattu aviya
{peru-416} pēr amar kaṭanta koṭuñci neṭum tēr
{peru-417} ārā ceruviṉ aivar pōla
{peru-418} aṭaṅkā tāṉaiyōṭu uṭaṉṟu mēlvanta
{peru-419} oṉṉā tevvar ulaivu iṭattu ārttu
{peru-420} kacciyōṉ ē kaivaṇ tōṉṟal
{peru-421} nacci ceṉṟōrkku ēmam ākiya
{peru-422} aḷi um teṟal um eḷiya ākaliṉ
{peru-423} malaintōr tēem maṉṟam pāḻ paṭa
{peru-424} nayantōr tēem nal poṉ pūppa
{peru-425} naṭpu koḷal vēṇṭi nayanticiṉōr um
{peru-426} tuppu koḷal vēṇṭiya tuṇaiyilōr um
{peru-427} kal vīḻ aruvi kaṭal paṭarntāṅku
{peru-428} pal vēṟu vakaiyiṉ paṇinta maṉṉar
{peru-429} imaiyavar uṟaiyum cimaiya ce varai
{peru-430} veḷ tirai kiḻitta viḷaṅku cuṭar neṭum kōṭṭu
{peru-431} poṉ koḻittu iḻitarum pōkku arum kaṅkai
{peru-432} peru nīr pōkum iriyal mākkaḷ
{peru-433} oru maram pāṇiyil tūṅkiyāṅku
{peru-434} toyyā veṟukkaiyoṭu tuvaṉṟupu kuḻīi
{peru-435} cevvi pārkkum ceḻu nakar muṟṟattu
{peru-436} perum kai yāṉai koṭum toṭi paṭukkum
{peru-437} karum kai kollaṉ irumpu vicaittu eṟinta
{peru-438} kūṭam tiṇ icai verīi māṭattu
{peru-439} iṟai uṟai puṟaviṉ ce kāl cēval
{peru-440} iṉ tuyil iriyum poṉ tuñcu viyal nakar
{peru-441} kuṇa kaṭal varaippiṉ munnīr nāppaṇ
{peru-442} pakal cey maṇṭilam pārittāṅku
{peru-443} muṟai vēṇṭunarkku um kuṟai vēṇṭunarkku um
{peru-444} vēṇṭupa vēṇṭupa vēṇṭiṉarkku aruḷi
{peru-445} iṭaitterintu uṇarum iruḷ tīr kāṭci
{peru-446} koṭai kaṭaṉ iṟutta kūmpā uḷḷattu
{peru-447} urumpu il cuṟṟamōṭu iruntōṉ kuṟuki
{peru-448} poṟi vari pukarmukam tākkiya vaya māṉ
{peru-449} koṭuvari kuruḷai koḷa vēṭṭāṅku
{peru-450} pulavar pūṇ kaṭaṉ āṟṟi pakaivar
{peru-451} kaṭi matil eṟintu kuṭumi koḷḷum
{peru-452} veṉṟi allatu viṉai uṭampaṭiṉum
{peru-453} oṉṟal cellā uravu vāḷ taṭam kai
{peru-454} koṇṭi uṇṭi toṇṭaiyōr maruka
{peru-455} maḷḷar maḷḷa maṟavar maṟava
{peru-456} celvar celva ceru mēmpaṭuna
{peru-457} veḷ tirai parappiṉ kaṭum cūr koṉṟa
{peru-458} paim pūṇ cēey payanta mā mōṭṭu
{peru-459} tuṇaṅkai am celvikku aṇaṅku noṭittāṅku
{peru-460} taṇṭā īkai niṉ perum peyar ētti
{peru-461} vantēṉ peruma vāḻiya neṭitu eṉa
{peru-462} iṭaṉ uṭai pēr yāḻ muṟai uḷi kaḻippi
{peru-463} kaṭaṉ aṟi marapiṉ kaitoḻūu paḻicci
{peru-464} niṉ nilai teriyā aḷavai a nilai
{peru-465} nāval am taṇ poḻil vīvu iṉṟu viḷaṅka
{peru-466} nillā ulakattu nilaimai tūkki
{peru-467} a nilai aṇukal vēṇṭi niṉ arai
{peru-468} pāci aṉṉa citarvai nīkki
{peru-469} āvi aṉṉa avir nūl kaliṅkam
{peru-470} irum pēr okkaloṭu oruṅku uṭaṉ uṭīi
{peru-471} koṭu vāḷ katuviya vaṭu āḻ nōṉ kai
{peru-472} vallōṉ aṭṭa pal ūṉ koḻum kuṟai
{peru-473} ari cettu uṇaṅkiya perum cennelliṉ
{peru-474} teri koḷ arici tiraḷ neṭum puḻukkal
{peru-475} arum kaṭi tīm cuvai amutoṭu piṟa um
{peru-476} viruppu uṭai marapiṉ karappu uṭai aṭicil
{peru-477} mīṉ pūttaṉṉa vāṉ kalam parappi
{peru-478} makamuṟai makamuṟai nōkki mukaṉ amarntu
{peru-479} āṉā viruppiṉ tāṉ niṉṟu ūṭṭi
{peru-480} maṅkul vāṉattu tiṅkaḷ ēykkum
{peru-481} āṭu vaṇṭu imirā aḻal avir tāmarai
{peru-482} nīṭu irum pittai poliya cūṭṭi
{peru-483} uravu kaṭal mukanta paruva vāṉattu
{peru-484} pakal peyal tuḷiyiṉ miṉṉu nimirntāṅku
{peru-485} puṉai irum katuppu akam poliya poṉṉiṉ
{peru-486} toṭai amai mālai viṟaliyar malaiya
{peru-487} nūlōr pukaḻnta māṭciya māl kaṭal
{peru-488} vaḷai kaṇṭaṉṉa vāl uḷai puravi
{peru-489} tuṇai puṇar toḻila nālku uṭaṉ pūṭṭi
{peru-490} ari tēr nalki um amaiyāṉ ceru tolaittu
{peru-491} oṉṉā tevvar ulaivu iṭattu oḻitta
{peru-492} vicumpu cel ivuḷiyoṭu pacum paṭai tarīi
{peru-493} aṉṟu ē viṭukkum avaṉ paricil iṉ cīr
{peru-494} kiṉṉaram muralum aṇaṅku uṭai cāral
{peru-495} maññai ālum maram payil iṟumpiṉ
{peru-496} kalai pāyntu utirtta malar vīḻ puṟaviṉ
{peru-497} manti cīkkum mā tuñcu muṉṟil
{peru-498} ce tī pēṇiya muṉivar veḷ kōṭṭu
{peru-499} kaḷiṟu taru viṟakiṉ vēṭkum
{peru-500} oḷiṟu ilaṅku aruviya malai kiḻavōṉ ē